ပြင်သစ် ဖွံ့ဖြိုးတိုးတက်ရေးအဖွဲ့ နှင့် ဥရောပသမဂ္ဂအဖွဲ့တို့ ပူးပေါင်းပြီး မန္တလေးတွင် ရေပေးဝေမှုနှင့် ရေဆိုးနုတ်စနစ် ဝန်ဆောင်မှုများ ပိုမိုကောင်းမွန်လာစေရန် ကူညီပေးမည်

PNG JPEG

ဇန်နဝါရီလ(၁၂)ရက်နေ့တွင် ပြင်သစ် ဖွံ့ဖြိုးတိုးတက်ရေးအဖွဲ့ (French Development Agency -AFD)သည် မန္တလေးမြို့ မြို့ပြဝန်ဆောင်မှုများ ပိုမိုကောင်းမွန်ရေး စီမံကိန်း (Mandalay Urban Services Improvement Project - MUSIP) အတွက် ပံ့ပိုးငွေ ယူရိုငွေ (၈)သန်း (မြန်မာကျပ်ငွေ ၁၁.၄၈ ဘီလီယံ)ဖြင့် ထောက်ပံ့မှု သဘောတူညီချက်စာချုပ်ကို မန္တလေးမြို့တော် စည်ပင်သာယာရေး ကော်မတီ (Mandalay City Development Committee - MCDC)နှင့် လက်မှတ်ရေးထိုးခဲ့ပါသည်။
ဤ ထောက်ပံ့ငွေသည် ဥရောပကော်မရှင်၏ အာရှရင်းနှီးမြှုပ်နှံမှုအဖွဲ့ (Asia Investment Facility - AIF) မှ ပေးအပ်သော ထောက်ပံ့ငွေဖြစ်ပြီး မန္တလေးမြို့သောက်သုံးရေဖြန့်ဝေရေးစနစ် အတွက် ပြင်သစ် ဖွံ့ဖြိုးတိုးတက်ရေးအဖွဲ့ (AFD) မှ ပထမချေးငွေ ယူရိုငွေသန်း(၄၀) တွင်ဖြည့်စွက်သွားမည်ဖြစ်သည်။
ရေဆိုးရေနုတ်စနစ်စီမံကိန်းအတွက်ကိုမူ အာရှဖွံ့ဖြိုးတိုးတက်ရေးဘဏ် (Asian Development Bank) မှ ချေးငွေ ယူရိုငွေသန်း (၅၇)သန်း တို့ဖြင့် ငွေကြေး ပံ့ပိုးပေးထားပါသည်။
ယင်းထောက်ပံ့ငွေသည် ၁) နည်းပညာ ပံ့ပိုးမှုမှတဆင့် မြို့ပြဝန်ဆောင်မှုများ စီမံခန့်ခွဲမှု စွမ်းဆောင်ရည် ပိုမို ခိုင်မာ အားကောင်းစေရေး ပံ့ပိုးပေးခြင်း ၂) လက်ရှိ အခြေခံ အဆောက်အအုံများ ပြန်လည်ထူထောင်ရေးနှင့် ပိုမို ကောင်းမွန်စေရေး တို့အတွက်ဖြစ်သည်။
ထောက်ပံ့ငွေ သဘောတူညီချက်ကို မန္တလေးမြို့တော်ခန်းမတွင် မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင်၊ မန္တလေးမြို့တော်ဝန် ဒေါက်တာ ရဲလွင်၊ မြန်မာနိုင်ငံဆိုင်ရာ ပြင်သစ်သံအမတ်ကြီး အိုလီဗီယေး ရီရှား၊ မြန်မာနိုင်ငံဆိုင်ရာ ဥရောပသမဂ္ဂ ဖွံ့ဖြိုးတိုးတက်ရေးဆိုင်ရာ ပူးပေါင်းဆောင်ရွက်မှုဌာန အကြီးအကဲ အီဇာဘဲလ် ဖာရီးရာ ဒယ် အာလ်မေးဒါနှင့် ထိုင်းနိုင်ငံ၊ လာအိုနိုင်ငံနှင့် မြန်မာနိုင်ငံဆိုင်ရာ ပြင်သစ် ဖွံ့ဖြိုးတိုးတက်မှုအဖွဲ့ ဒေသတွင်း ညွှန်ကြားရေးမှူး အာရီးယားန် ဂျူခရာ့ခ်တို့ ရှေ့မှောက်တွင် လက်မှတ်ရေးထိုးခဲ့ပါသည်။

ရေးသားသည့်ရက်စွဲ 16/01/2017

အထက်ဆုံးစာမျက်နှာသို့