လူဦးရေသန်းပေါင်း ၂၂၀ ပြောသော ပြင်သစ်ဘာသာစကား

အမေရိကန် ရုပ်ရှင်ဒါရိုက်တာ Spielberg ရိုက်ကူးသော ကာတွန်းရုပ်ရှင် Tintin ၏ ရုပ်ရှင်ဇာတ်ဝင်ခန်း၊ စွန့်စားခန်းများသည် ကမ္ဘာကျော်အောင် ထင်ရှားသည်။ ဇာတ်လိုက် Tintin ကဲ့သို့ ကမ္ဘာတစ်ဝန်းလုံးရှိ သန်းပေါင်းများစွာသော လူများသည် ခေတ်မီပြီး အမှန်တကယ် အသုံးဝင်သော ပြင်သစ်ဘာသာစကားကို ပြောဆို လေ့လာသင်ယူကြလေသည်။

နှစ်ပေါင်း ၆၀ ကတည်းက ပြင်သစ်ဘာသာစကားကို ပြောဆိုသော လူဦးရေသည် ၃-ဆ တိုးပွားလာခဲ့သည်။ အများထင်မြင် ယူဆထားခြင်းနှင့် ဆန့်ကျင်လျက် ပြင်သစ်ဘာသာစကားသည် လူကြိုက်နည်းသော ဘာသာစကား မဟုတ်ပေ။ အမှန်တကယ်ဆိုလျှင် ပြင်သစ်ဘာသာစကားကို လေ့လာစောက်ရှောက် ထိန်းကျောင်းသော အဖွဲ့အစည်း L’Observatoire de la langue française ၏ အဆိုအရ ကမ္ဘာပေါ်တွင် ပြင်သစ်ဘာသာစကားပြောသော လူဦးရေ သန်းပေါင်း ၂၂၀ ရှိသည်။ ၄င်းသည် ကမ္ဘာပေါ်၌ လူပြောအများဆုံး သော ဘာသာစကားများ၏ အဆင့် နံပါတ် (၈)နေရာတွင် ရှိပါသည်။ အစိုးရအဖွဲ့အစည်းများ၌ ပြောဆိုသော ဘာသာစကားများထဲတွင် နိုင်ငံပေါင်း (၆၃) နိုင်ငံ၌ တရားဝင် ဘာသာစကားဖြစ်နေသော အင်္ဂလိပ် ဘာသာစကားသည် ပထမနေရာတွင်ရှိနေပြီး၊ နိုင်ငံပေါင်း (၃၆)နိုင်ငံ၌ တရားဝင် ဘာသာစကားဖြစ်သော ပြင်သစ်ဘာသာစကားသည် ဒုတိယနေရာတွင် ရှိပါသည်။

ဘာသာစကားနဲ့ပတ်သက်ပြီး စစ်ပွဲမရှိပေ။ အင်္ဂလိပ်ဘာသာနှင့် ပြင်သစ်ဘာသာတို့ကို တစ်ချိန်တည်းတွင် လေ့လာသင်ယူနိုင်ပါသည်။ ဘာသာစကားများနယ်ပယ်တွင် ကန့်သတ်ဖယ်ရှားခြင်းမရှိဘဲလျက် ပြင်သစ် ဘာသာစကားပြောသော လူဦးရေမှာ တိုးပွားတိုးပွားလျက်ရှိပါသည်။ ကမ္ဘာပေါ်ရှိ လေးပုံ ပုံလျှင် တစ်ပုံသော ဘာသာစကားသင် ဆရာများမှာ ပြင်သစ်ဘာသာစကားကို သန်းရာပေါင်းများစွာသော ကျောင်းသူ၊ ကျောင်းသားများကို သင်ကြားပေးလျက်ရှိပါသည်။ ၄င်းအချက်သည် ပြင်သစ်ယဉ်ကျေးမှုဌာနများ၌ ပြင်သစ်ဘာသာသင်ကြား ပို့ချပေးခြင်း၊ ပြင်သစ်နိုင်ငံနှင့် ပြင်သစ်ယဉ်ကျေးမှုကို နှစ်ခြိုက်ခုံမင်သော အဖွဲ့အစည်းများမှလည်း ပံ့ပိုးပေးခြင်းဖြစ်သည်။ ဥရောပ သမဂ္ဂနိုင်ငံများတွင် အင်္ဂလိပ်ဘာသာစကားပြီးလျှင် ပြင်သစ်ဘာသာစကားသည် မူလတန်းကျောင်းများ၌ လူကြိုက်အများဆုံး ရွေးချယ်ခြင်းခံရသော ဘာသာစကား ပင်ဖြစ်ပါသည်။ ၄င်းအချက်ကို ကြည့်ခြင်းအားဖြင့် ပြင်သစ်ဘာသာစကားသည် ဥရောပသမဂ္ဂ (၂၇) နိုင်ငံတွင် ဒုတိယအလေ့လာဆုံး ဘာသာစကားဖြစ်ပြီး နိုင်ငံပေါင်း (၁၄)နိုင်ငံမှာ နိုင်ငံတကာ ပြင်သစ်ဘာသာစကားပြော သော အဖွဲ့အစည်း၏ အသင်းဝင်နိုင်ငံများဖြစ်ပါသည်။ အာဖရိကတိုက်နှင့် အရှေ့တောင်အာရှနိုင်ငံများတွင် အများထင်မြင်ယူဆထားသကဲ့သို့ ပြင်သစ်ဘာသာသည် နောက်ကောက်ကျ မကျန်ခဲ့ပေ။ ထို့အပြင် နိုင်ဂျီးရီးယားနိုင်ငံသည် လာမည့်နှစ်ပေါင်း (၅၀)အတွင်းတွင် ကမ္ဘာပေါ်၌ တတိယအဆင့် လူဦးရေအများဆုံး တိုင်းပြည်ဖြစ်လာမည်ဖြစ်ပြီး ၄င်းနိုင်ငံ၌ ပြင်သစ်ဘာသာစကားကို မသင်မနေရ ဘာသာစကားများထဲတွင် ဒုတိယနေရာ ၌ သတ်မှတ်ထားပါသည်။

အသုံးဝင်သော ဘာသာစကား

ပြင်သစ်ဘာသာစကားကို ပြောဆိုသော လူအများစုသည် ၄င်းဘာသာစကားကို လှပသော ဘာသာစကားဟု လည်းကောင်း၊ အများလက်ခံယူဆထားသကဲ့သို့ မြင့်မားသော ယဉ်ကျေးမှု နယ်ပယ်တစ်ခုကို ဆက်သွယ်ပေး သော ဘာသာရပ်တစ်ခုအဖြစ်လည်းကောင်း သဘောတူညီ ထောက်ခံကြပါသည်။ ၄င်းအချက်သည် မှန်ကန်ပါ သည်။ နိုင်ငံတကာသို့ ပြင်သစ်ဘာသာစကားဖြင့် ထုတ်လွှင့်သော TV5 ရုပ်သံလိုင်းသည် MTV နှင့် CNN ရုပ်သံ လိုင်းများပြီးလျှင် လူကြည့်အများဆုံး ဖြစ်သည်။ အမေရိကန်ပြည်ထောင်စု၌ (၃၀%)သော စာအုပ်များကို ပြင်သစ်ဘာသာသို့ ပြန်ဆိုပြီး ထက်ဝက်သော နိုင်ငံခြားရုပ်ရှင်များမှာ ပြင်သစ်ဘာသာစကားပြောသော ရုပ်ရှင်များပင် ဖြစ်သည်။ သို့သော်လည်း ကျောင်းသူ၊ ကျောင်းသားတစ်ယောက်အား ပြင်သစ်ဘာသာစကား သင်ယူလာချင်အောင် တွန်းအားပေးရာတွင် ယဉ်ကျေးမှုနယ်ပယ်လိုအပ်ချက်အရသာမက ၄င်းဘာသာစကား သည် နိုင်ငံတကာနှင့် ဥရောပဒေသတွင်းဆိုင်ရာ အဖွဲ့အစည်းများတွင် အသုံးဝင်ပြီး အမှန်တကယ်လိုအပ်သည် ဟူသောအချက်လည်း ပါဝင်ပါသည်။ ပြင်သစ်ဘာသာစကား ပြောဆိုနိုင်ခြင်းသည် စီးပွားရေးဖွံ့ဖြိုးတိုးတက်မှု အတွက် အထောက်အကူဖြစ်စေပါသည်။ Le français, quelle histoire! စာအုပ်ကို ရေးသားသူ Jean-Benoit Nadeau မှ ပြင်သစ်ကုန်တိုက် Carrefour သည် အမေရိကန်ကုန်တိုက် Wal-Mart ပြီးလျှင် ကမ္ဘာဒုတိယအကြီး ဆုံးကုန်တိုက်ဖြစ်ကြောင်း ထောက်ပြထားသည်။ Carrefour ကုန်တိုက်များသည် နိုင်ငံပေါင်း (၃၄)နိုင်ငံတွင်ရှိပြီး ၄င်း၏ ပြိုင်ဖက် Wal-Mart မှာ နိုင်ငံပေါင်း (၁၅)နိုင်ငံ၌သာ ရှိပါသည်။ ပြီးလျှင် ကမ္ဘာ့အကြီးဆုံး Areva ဟုခေါ်သော လူသားအကျိုးပြု နျူးကလီးယားစွမ်းအင်ဌာနကြီးသည် ပါရီမြို့တွင် အခြေခံပြီး မီးရထားခေါင်းတွဲ များနှင့် မီးရထားသံလမ်းများ ထုတ်လုပ်သော လျှပ်စစ်ထုတ်လုပ်ဖြန့်ဖြူးသော ကမ္ဘာကျော် Alstom ကုမ္ပဏီကြီး သည် ၄င်း၏ ရုံးချုပ်ကို ပါရီမြို့တွင် ထားရှိပါသည်။

၎င်းကဲ့သို့ ပြင်သစ်ဘာသာစကား ကျယ်ပြန့်ဖွံ့ဖြိုးလာမှုသည် ကမ္ဘာကြီးအတွင်း ကူးသန်းရောင်းဝယ်မှု လွယ်ကူ လာခြင်းကြောင့်လည်း ဖြစ်ပါသည်။ သုံးပုံ ပုံလျှင် နှစ်ပုံသော ပြင်သစ်ဘာသာစကားပြောသော လူများထဲတွင် ပြင်သစ်ဘာသာစကားသည် ၄င်းတို့၏ မိခင်ဘာသာစကား မဟုတ်ပေ။ ပြင်သစ်ဘာသာနှင့် အင်္ဂလိပ်ဘာသာ စကားများသည် ဘာသာစကားမျိုးစုံအောင် ပြောဆိုနိုင်သူများအတွက် နိုင်ငံတကာ၌ ပြောဆိုသုံးနှုန်းသော ဘာသာစကားများပင် ဖြစ်ပါသည်။ ရာစုနှစ်ပေါင်းများစွာကတည်းက တည်ရှိသော ပြင်သစ်ဘာသာထိန်းသိမ်း စောင့်ရှောက်မှုအဖွဲ့ L’Academie française ၌ (၃၅)ယောက်သော ဗဟိုအမြဲတမ်းအဖွဲ့ဝင်များထဲတွင် (၅)ဦးမှာ နိုင်ငံခြား၌ မွေးဖွားပြီး ပြင်သစ်ဘာသာစကားမှာ ၄င်းတို့၏ မိခင်ဘာသာစကား မဟုတ်ပေ။ ၄င်းတို့မှာ အယ်လ်ဂျီးယား၊ ရုရှား၊ လစ်ဘနွန်၊ တရုတ်နှင့် အာဂျင်တီးနားနိုင်ငံနွယ်ဖွားများပင် ဖြစ်ပါသည်။ ၁၉၈၇ ခုနှစ်မှ စပြီး ဂုဏ်သရေမြင့်သော Goncourt အမျိုးသားစာပေဆုရရှိသော (၅)ဦးထဲတွင် တစ်ဦးမှာ ပြင်သစ်ဘာသာ သည် ၄င်း၏ မိခင်ဘာသာစကားမဟုတ်ပေ။

၁၉၇၀ ခုနှစ်၌ တည်ထောင်သော ပြင်သစ်ဘာသာစကား ပြောဆိုသော နိုင်ငံတကာအဖွဲ့အစည်း L’OIF, L’Organisation internationale de la Francophonie တွင် အဖွဲ့ဝင်နိုင်ငံပေါင်း (၅၆)နိုင်ငံရှိပြီး (၁၉)နိုင်ငံမှာ လေ့လာသူများဖြစ်သည်။ တစ်ချိန်တည်း၌ ထောင်ချီသော ပြင်သစ်ဘာသာစကား ပြောသော အဖွဲ့အစည်းများ သည်လည်း မြောက်မြားစွာသော အစီအစဉ်များဖြင့် လှုပ်ရှားမှုမျိုးစုံကို ဆောင်ရွက်ကြပါသည်။ ၄င်းအချက် အလက်များသည် ပြင်သစ်ဘာသာစကား ကျယ်ပြန့်လာစေရန်အတွက် အင်အားကို ဖြစ်စေပါသည်။ သုတေသီ များ၊ သံတမန်များ၊ သိပ္ပံပညာရှင်များနှင့် စီးပွားရေးပညာရှင်များအတွက် ပြင်သစ်ဘာသာစကားမှတစ်ဆင့် တီထွင်ကြံဆမှုအသစ်များနှင့် တွဲခေါ်မှု အသစ်များကို ဖန်တီးစေနိုင်ပါသည်။

ဝေါဟာရကြွယ်ဝသော ဘာသာစကား

ပြင်သစ်ပြည်၏ ကိုလိုနီနိုင်ငံများဖြစ်ခဲ့သော ဘယ်လ်ဂျီယမ်နိုင်ငံကဲ့သို့ တိုင်းပြည်များမှတစ်ဆင့် တောင် အမေရိကတိုက်၌ ပြင်သစ်ဘာသာစကားကို ကျယ်ပြန့်ထွန်းကားလာအောင် လုပ်နိုင်ခဲ့ပေသည်။ တချို့သော တိုင်းပြည်များတွင် လူမျိုးနွယ်စုများသည် ၄င်းတို့၏ ဘာသာစကားအမျိုးမျိုးတို့ကို ပြောဆိုသုံးနှုန်းကြသော်လည်း ပြင်သစ်ဘာသာစကားကို ပေါင်းသင်းဆက်ဆံရာတွင် လွယ်ကူမှုရှိသော ဘာသာစကားတစ်ခုအဖြစ် သုံးနှုန်း ကြပါသည်။ (တချို့အခြေအနေမျိုး၌ ပြင်သစ်ဘာသာစကားကို ကျယ်ပြန့်လာအောင် ပြုလုပ်ရာတွင် သွယ် ၀ိုက်သော လမ်းကြောင်းဖြင့် ဥပမာဆိုလျှင် ပြင်သစ်ဘာသာစကားပြောသော လစ်ဘနွန်လူမျိုးများမှတစ်ဆင့်ဖြစ် သည်။

သမိုင်း၏ အမွေအနှစ်များမှတစ်ဆင့် စကားလုံးအသစ်များ ပေါ်ပေါက်လာခဲ့ရပြီး ပြင်သစ်စကားလုံးများ ကြွယ်ဝမှုကို ဖြစ်စေခဲ့ပါသည်။ ကနေဒါနိုင်ငံ Quebec နယ်တွင် နေထိုင်သော ပြင်သစ်ဘာသာစကားပြောသော ကနေဒါလူမျိုးများသည် ပြင်သစ်ပြည်၌ နေထိုင်သော ပြင်သစ်လူမျိုးများထက် မူရင်းဘာသာစကားလုံးများကို ကာကွယ်ထိန်းသိမ်းလေ့ရှိပါသည်။ ပါရီမြို့မှ ပြင်သစ်များသည် "ကူးတို့" လှေကို အင်္ဂလိပ်ဝေါဟာရ Ferry ကို ကူးယူသုံးနှုန်းလေ့ရှိသော်လည်း ကနေဒါနိုင်ငံ Montreal မြို့မှ ပြင်သစ်ဘာသာစကားပြောဆိုသော သူများ သည် မူလ ပြင်သစ်စကားလုံး "Traversier" ကိုသာ သုံးကြသည်။

ယနေ့ ကမ္ဘာကြီးတွင် ပြင်သစ်ဘာသာစကားပြောသော တိုင်းပြည်များသည် ပါရီမြို့ သို့မဟုတ် ဘရတ်ဆေးလ် မြို့များကိုသာ အာရုံစိုက်လေ့ရှိပါသည်။ တိုင်းပြည်အချင်းချင်းဆက်သွယ်ရာတွင် ဘာသာစကားတူညီမှုသည် ဆက်ဆံရေးကို လွယ်ကူစေသော အထောက်အကူပြု ပစ္စည်းပင်ဖြစ်ပါသည်။ ပြင်သစ်ဘာသာစကားပြောသော တက္ကသိုလ်များအေဂျင်စီ L’Agence universitaire de la Francophonie သည် နိုင်ငံ (၈၀)၌ရှိသော ကျောင်းပေါင်း (၇၅၀)ကို ကိုယ်စားပြုပြီး ဆောင်ရွက်လျက်ရှိပါသည်။ ၄င်းတိုင်းပြည်များထဲတွင် ကနေဒါ၊ အယ်လ်ဂျီးရီးယား၊ ဗီယက်နမ်နှင့် ပြင်သစ်နိုင်ငံတို့ဖြစ်သည်။ ပြင်သစ်ဘာသာစကားပြောသူများ၏ ဆက်သွယ် ပေါင်းကူးရေးသည် အမြဲသက်ဝင်လှုပ်ရှားနေပြီး ခေတ်မီလျက် ထိရောက်မှု ရှိလေသည်။

Pascale Bernard - Actualités en France, 2012

ရေးသားသည့်ရက်စွဲ 07/05/2013

အထက်ဆုံးစာမျက်နှာသို့