လျှောက်လွှာခေါ်ယူခြင်း

လွပ်လပ်ခြင်း၊ တရားမျှတခြင်း၊ ညီရင်းကိုပမာ သစ္စာရှိခြင်း စသည့် ဆောင်ပုဒ်ကို ကိုင်စွဲထားသည့် ပြင်သစ်သမ္မတနိုင်ငံမှ ၀န်ကြီးချုပ်ကိုယ်တိုင် ချီးမြှင့်မည့် ပြင်သစ်သမ္မတနိုင်ငံဧ။် လူ့အခွင့်အရေးဆုကို ၂၀၁၁ ခုနှစ်အတွက် စိတ်ပါဝင်စားသူ မည်သူမဆို လျှောက်ထားနိုင်ပါသည်။

၁၉၈၈ခုနှစ်တွင် စတင်ခဲ့ပြီး ကမ္ဘာမြေကြီးပေါ်ရှိ တစ်သီးပုဂ္ဂလအားဖြင့်သော်လည်းကောင်း၊ အသင်းအဖွဲ့အားဖြင့် သော်လည်းကောင်း၊ နိုင်ငံစွဲမထား၊ နယ်စည်းမခြားပဲ ပြင်သစ်မြေပေါ်၌ဖြစ်စေ၊ နိုင်ငံရပ်ခြား၌ဖြစ်စေ အောက်ပါ ခေါင်းစဉ်နှစ်ခုအနက် ကိုယ်စိတ်အားထက်သန်ရာ အပိုင်းအလိုက် ပရဟိတအကျိူးသယ်ပိုးသူများကို ချီးမြှင့်ရန်ရည်ရွယ်ပါသည်။

၁။ နိုင်ငံစွဲမထား၊ နယ်စည်းမခြားပဲ ပြင်သစ်မြေပေါ်၌ဖြစ်စေ၊ နိုင်ငံရပ်ခြား၌ဖြစ်စေ ပရဟိတအကျိုးသယ်ပိုးရမည့်
အစိုးရမဟုတ်သော အဖွဲ့အစည်းများမှ ၂၀၁၁ခုနှစ်အတွက် သတ်မှတ်ထားသည့် အောက်ပါ ခေါင်းစဉ် နှစ်ခုအနက် စိတ်အားထက်သန်ရာ အပိုင်းကို ရွေးချယ်နိုင်ပါသည်။

ခေါင်းစဉ် ၁။ ။ လိင်မှုကိစ္စနှင့် လိင်အဆင့်အတန်းခွဲခြားခြင်းဆိုင်ရာ လူ့အခွင့်အရေး ချိုးဖောက်မှုများကို ဆန့်ကျင် တိုက်ဖျက်ခြင်း။

ကမ္ဘာတစ်လွှားရှိ နိုင်ငံပေါင်း ၈၀ ကျော်တွင် အရွယ်ရောက်ပြီးသော လိင်တူအချင်းချင်း လိင်ဆက်ဆံမှုကို တားမြစ်ထားဆဲဖြစ်သည့်အပြင် တစ်ချို့သောနိုင်ငံများတွင် သေဒဏ်အပြစ်ပေးသည်အထိ ပြင်းပြင်းထန်ထန် အရေးယူဆဲရှိပါသည်။ လိင်တူဆက်ဆံခြင်းကိုအပြစ်ဒဏ်ပေးခြင်းသည် လူမျိုးရေးနှင့် အဆင့်အတန်းခွဲခြား အပြစ်ပေးသော ဥပဒေများနှင့် တွဲစပ်နေရုံမျှမက ပုဂ္ဂလိကလွတ်လပ်ခွင့်နှင့် အတွင်းရေးကို ထိပါးခြင်း၊ ရက်စက်စွာနှိမ့်ချဆက်ဆံခြင်း၊ မတရားဖမ်းဆီးချုပ်နှောင်ခြင်းများ နှင့် ဥပဒေလွန်စီရင်ခြင်းများ ပါဝင်သည်။ လူမျိုးရေးခွဲခြားမှုမရှိပဲ လူ့အခွင့်အရေးကိုလိုက်နာခြင်း၊ လိုက်နာစေခြင်းကို နိုင်ငံဧ။် ဦးစားပေးအဆင့်တစ် လုပ်ငန်းစဉ်အဖြစ် ပိုမိုတင်းကြပ်သော ဥပဒေများနှင့် တားမြစ်နေသော်လည်း လိင်တူချင်းဆက်ဆံသူ များကို ရွံရှာစက်ဆုပ်သော အပြုအမူ၊ အလေ့အထများ ပိုမိုများပြားလျက်ရှိသည်။ လွတ်လပ်စွာပေါင်းသင်းဆက်ဆံခွင့် နှင့် ငြိမ်းချမ်းစွာ ပေါင်းသင်း နေထိုင်ခွင့် စသည်ဖြင့် လိင်မှုကိစ္စနှင့် လိင်အဆင့်အတန်းခွဲခြားခြင်းဆိုင်ရာ လူ့အခွင့်အရေးချိုးဖောက်မှုများကိုတိုက်ဖျက်ရေးဆောင်ရွက်နေကြသော အစိုးရမဟုတ်သောအဖွဲ့အစည်းများဧ။် အနေအထားမှာ အချို့သော ဥရောပသမဂ္ဂအဖွဲ့ဝင် နိုင်ငံများတွင်ပင် စိုးရိမ်ဖွယ်ဖြစ်နေပါသည်။

၂၀၀၈ခုနှစ် ဒီဇင်ဘာလတွင် လိင်မှုကိစ္စနှင့်လိင်အဆင့်အတန်းခွဲခြားသတ်မှတ်ခြင်းဆိုင်ရာပြန်တမ်းထုတ်ပြန်ခဲ့ပြီး နောက်ပိုင်း ပြင်သစ်နိုင်ငံခြားရေးနှင့်ဥရောပရေးရာဝန်ကြီးဌာနမှ နိုင်ငံ၊ပြည်နယ် နှင့်ဒေသဆိုင်ရာအာဏာပိုင်များ အသိပြန့်ပွားရေးလုပ်ငန်းများ၊ ပညာပေးလုပ်ငန်းများ အတွက် ကူညီထောက်ပံ့ရန် နှင့် လိင်တူဆက်ဆံသူများ အားလည်း ကာကွယ်ခြင်း၊ စောင့်ရှောက်ခြင်း၊ ဥပဒေ အခွင့်အရေးရယူပေးခြင်း စသည့် လုပ်ငန်းများအတွက် ရန်ပုံငွေတစ်ရပ်ထူထောင်ထားပါသည်။

ပြင်သစ်နိုင်ငံအနေဖြင့် လိင်မှုကိစ္စနှင့် လိင်အဆင့်အတန်း ခွဲခြားမှုဆိုင်ရာ လူ့အခွင့်အရေး ချိုးဖောက်မှုများ နှင့် ဆက်စပ်အကြမ်းဖက်မှုများ အဆုံးသတ်ရန် ပူးပေါင်းဆောင်ရွက်ရေး ပဋိဥာဉ်မူကြမ်း ရေးဆွဲရာတွင် ကုလသမဂ္ဂအဖွဲ့အစည်းများနှင့် အတူ တက်ကြွစွာ ပါဝင်ဆောင်ရွက်ခဲ့ပြီး ၁၆ ကြိမ်မြောက် လူ့အခွင့်အရေး ကောင်စီအစည်းအဝေးတွင် ထိုမူကြမ်းကို ၂၀၁၁ခုနှစ် မတ်လ၂၂ရက် နေ့တွင် နိုင်ငံပေါင်း ၈၅ နိုင်ငံမှ လက်မှတ်ရေးထိုးပြီး ထုတ်ပြန်ခဲ့ပါသည်။

လူ့အခွင့်အရေးဆုရယူရန် တင်ပြသည့် စီမံကိန်းများသည် လိင်တူဆက်ဆံသောကြောင့် အပြစ် ပေးခံရသူများ၊ လိင်မှုကိစ္စှပေါ် အခြေခံ၍ လူ့အခွင့်အရေး ချိုးဖောက်မှုများ နှင့် ဆက်စပ်သော အကြမ်းဖက်မှုများ၊ လိင်အဆင့်အတန်းခွဲခြားခြင်းဖြင့် လူ့အခွင့်အရေးချိုးဖောက်မှုများ နှင့် တရားဥပဒေ ကြောင်းအရ၊ လူမှုရေးအရ အမြင်ဆိုးဖြင့် နှိမ့်ချမှုများ ကိုတွန်းလှန်တိုက်ဖျက်မည့် စီမံကိန်းဖြစ်ရပါမည်။ မြို့ပြလူနေမှုစံနစ်၊ နိုင်ငံရေး၊ စီးပွားရေး၊ လူမှုရေး နှင့် ယဉ်ကျေးမှု ဆိုင်ရာ လူ့အခွင့်အရေးများကို အမှန်တကယ် လေးစားလိုက်နာစေရန်နှင့် ထိုလူ့အခွင့်အရေးများကို လေးစားလိုက်နာရေးအသိကို မြှင့်တင်ပေးနိုင်သည့် စီမံကိန်းဖြစ်ရပါမည်။
_ ခေါင်းစဉ် ၂။ ။ အမျိုးသမီးများအား အကြမ်းဖက်ခြင်းကို ဆန့်ကျင်ခြင်း၊ တွန်းလှန်ခြင်း

အမျိုးသမီးများအား အကြမ်းဖက်ခြင်းကို ဆန့်ကျင်ခြင်း၊ တွန်းလှန်ခြင်းသည် ပြင်သစ်အစိုးရဧ။် နိုင်ငံရေးဦးတည်ချက်များအနက်မှ ကူညီစောင့်ရှောက်မှုဆိုင်ရာ အရေးပါသော လုပ်ငန်းစဉ်တစ်ရပ် ဖြစ်ပြီး ဒေသဆိုင်ရာအဆင့်၊ အမျိုးသားရေးအဆင့်၊ နိုင်ငံတကာအဆင့် စသည်ဖြင့် အဆင့်ဆင့် ခွဲခြားသတ်မှတ်ကာ ဆောင်ရွက်လျှက်ရှိပါသည်။

အမျိုးသမီးများအား အကြမ်းဖက်ခြင်းကို အမျိုးသားရေး လှုပ်ရှားမူကြီးတစ်ရပ် အဖြစ်သတ်မှတ်လိုက်သော နှစ်မှာပင် အမျိုးသမီးများအား အန္တရာယ် မှ ကြိုတင်တားဆီးကာကွယ်ပေးရန်ကို အဓိကထားပြီး အမျိုးသမီးများအား အကြမ်းဖက်ခြင်း၊ အိမ်ထောင်တွင်း အကြမ်းဖက်ခြင်း၊ အိမ်ထောင်ရေး ပဋ္ဋိပက္ခကြောင့် ကလေးများအပေါ်သက်ရောက်မှု တို့အား ကာကွယ်ခြင်းဆိုင်ရာ ဥပဒေကို ၂၀၁၀ ခုနှစ် ဇူလိုင်လ ၉ ရက် နေ့တွင် အတည်ပြုပေးနိုင်ခဲ့သည်။ ဤသို့ ပြင်သစ်နိုင်ငံတွင်းဆိုင်ရာ ဥပဒေကို တိုးတက် ပြောင်းလဲသတ်မှတ်ခြင်းသည် နိုင်ငံတကာ အစိုးရအဆင့် လုပ်ငန်းစဉ်များဆောင်ရွက်ခြင်းကို ထိထိရောက်ရောက် ကူညီထောက်ပံ့ရာလည်း ရောက်ပါသည်။

ဥရောပသမဂ္ဂမှ သတ်မှတ်ထားသော အမျိုးသမီးများအား အကြမ်းဖက်မှုနှင့် အမျိုးသမီးများအပေါ် နည်းမျိုးစုံဖြင့် ကျားမအဆင့်အတန်းခွဲခြားမှုကို ပယ်ဖျက်ခြင်း သို့မဟုတ် အမျိုးသမီးများအား အကြမ်းဖက်မှု နှင့် အိမ်ထောင်ရေး အကြမ်းဖက်မှုများကို ဆန့်ကျင်ရေးနှင့် တားဆီးကာကွယ်ရေးဆိုင်ရာ ဥရောပသမဂ္ဂဆိုင်ရာ ကောင်စီညီလာခံကို မကြာသေးမှီက ကျင်းပခဲ့ရာတွင် အတည်ပြုခဲ့သော ဦးတည်ချက်များနှင့် လည်းအညီ ဖြစ်ပါသည်။

ဤညီလာခံအရ အမျိုးသမီးများအား အကြမ်းဖက်မှုသည် လူ့အခွင့်အရေးကို ချိုးဖောက်ရာကျသလို အမျိူးသမီးများအပေါ် နှိမ့်ချဆက်ဆံရာရောက်သည့်အပြင် အမျိုးသမီးဖြစ်ရခြင်း တစ်ချက်တည်းကြောင့် ကာယအားဖြင့်သော်၎င်း၊ လိင်မှုကိစ္စ၌၎င်း၊ စိတ်ဓာတ်ရေးရာအားဖြင့်၎င်း၊ စီးပွားရေးအရ၎င်း၊ အနိုင်ကျင့်ခံရခြင်း၊ နာကျင်ထိခိုက်စေခြင်း တို့သာမက ထိုအနိုင်ကျင့်မှုများ တစ်ချိန်ချိန်တွင် ခံရနိုင်သည့် အခြေအနေတွင် ရပ်တည်နေရခြင်း၊ လူပုံအလယ်တွင်ဖြစ်စေ၊ အိမ်တွင်းရေးအရ ဖြစ်စေ အင်အားသုံး အနိုင်ကျင့်ကာ အမျိုးသမီးများ၏ ကိုယ်ပိုင် လွတ်လပ်ခွင့်ကို ပယ်ဖျက်ခြင်း၊ ကန့်သတ်ချုပ်ချယ်ခြင်းတို့အပြင် ယင်းသို့ ပြမူမည်ဟု ခြိမ်းခြောက်မှုများလည်းပါဝင်သည်။

ဆုအတွက် တင်သွင်းသည့် စီမံကိန်းများသည် ငြိမ်းချမ်းသော အချိန်၌ဖြစ်စေ၊ စစ်ဖြစ်နေသော ကာလဖြစ်စေ အကြမ်းဖက်သည့် အပြုအမူများနှင့် ဆက်စပ်နေသော အခြေအနေများကို တားဆီးကာကွယ်ပေးနိုင်သော၊ အပြစ်မဲ့ အနိုင်ကျင့်ခံရသူများကို ကူညီထောက်ပံ့ပေးနိုင်သော၊ မိန်းမယောက်ျား မခွဲခြားပဲ လူသားတစ်ရပ်လုံး သာတူညီမျှ အခွင့်အရေးရရေးကို ရှေးရှုသည့်၊ လူမျိုးရေးခွဲခြားမှုကို ဆန့်ကျင်သည့်၊ ပြစ်မှုကျူးလွန်သူများကို အပြစ်ပေးနှိမ်နင်းနိုင်သည့် စီမံကိန်းဖြစ်ရပါမည်။

၂။ သတ်မှတ်ထားသော ရန်ပုံငွေစုစုပေါင်းကို ရွေးချယ်ခံရမည့် စီမံကိန်း ၅ ခုအား ပြင်သစ်ဝန်ကြီးချုပ်ကိုယ်တိုင် အချိုးကျ ခွဲဝေပေးအပ်ပါမည်။ အထူးဂုဏ်ထူးဆောင်ဘွဲ့ကို လည်း လုပ်ဆောင်ချက်အပေါ် မူတည်၍ ပေးအပ်ပါဦးမည်။ လျှောက်ထားသူများသည် သတ်မှတ်ထားသော အချက်အလက်များနှင့်အညီ လိုက်နာဆောင်ရွက်နိုင်ရပါမည်။
သတ်မှတ်ထားသောစည်းမျဉ်းစည်းကမ်းများကို တောင်းဆိုပါက ပို့ပေးနိုင်ပါသည်။ ဤ လိပ်စာတွင်လည်း ရရှိနိုင်ပါသည်။ www.cncdh.fr

၃။ ပြင်သစ် သို့ အင်္ဂလိပ် ဘာသာဖြင့်ရေးသားထားသော လျှောက်လွှာတွင် ပါဝင်ရမည့်အချက်များမှာ

က) အစိုးရမဟုတ်သောအဖွဲ့အစည်းဧ။် ဥက္ကဌ (သို့မဟုတ်) တာဝန်ခံတစ်ဦး မှ လက်မှတ်ရေးထိုးထားသည့် လျှောက်ထားလွှာ

ခ) စီမံကိန်းဧ။် ရည်ရွယ်ချက်၊ မည်ကဲ့သို့အကောင်အထည်ဖော်မည် စသည့်အသေးစိတ်ကို ရှင်းလင်းစွာ ရေးသားဖော်ပြထားရမည်။ ငွေစာရင်းအသေးစိတ်ကို လည်း အတူပူးတွဲ တင်ပြရမည်။ (အခြားမည်သည့်ငွေကြေးဖြင့်တွက်ချက်ထားသည်ဖြစ်စေ အဆုံးတွင် ယူရိုငွေဖြင့် တွက်ချက် ပြထားနိုငရပါမည်။ )

ဂ) အကောင်အထည်ဖော်မည့် အစိုးရမဟုတ်သောအဖွဲ့အစည်းဧ။် အခြေအနေ၊ လုပ်ငန်းဆောင်ရွက်ခဲ့မှုများ

ဃ) အစိုးရမဟုတ်သောအဖွဲ့အစည်းဧ။်လိပ်စာ နှင့် ဘဏ်စာရင်းနံပါတ်

လျှောက်ထားသူသည် စီမံကိန်းအပြည့်အစုံ ရေးသားဖော်ပြချက်ကို စက်တင်ဘာလ ၁၀ ရက် ၂၀၁၁ ခုနှစ် မတိုင်မှီ ဤလိပ်စာသို့ ပေးပို့လျှောက်ထားနိုင်ပါသည်။
ယဉ်ကျေးမှုနှင့်ပူးပေါင်းဆောင်ရွက်ရေးသံအရာရှိ - အမှတ် ၃၄၀ ၊ ပြည်လမ်း ၊ စမ်းချောင်း၊ ရန်ကုန်မြို့ (သို့မဟုတ်) အီးမေးလ်ဖြင့်လည်း ဤလိပ်စာသို့ ပေးပို့နိုင်ပါသည်။ fabrice.etienne@ifb.net.mm (or) fabrice.etienne@gmail.com

၎။ ရွေးချယ်ခံရသည့် အမည်စာရင်းကို နိုဝင်ဘာလ ၉ ရက်နေ့ ၂၀၁၁ ခုနှစ်တွင်ထုတ်ပြန်ကြေငြာပါမည်။ ၂၀၁၁ ခုနှစ်အတွက်ဆုကို ဒီဇင်ဘာလ ၁၀ရက်နေ့တွင် ပြင်သစ်အစိုးရ၀န်ကြီးချုပ်ကိုယ်တိုင် ချီးမြှင့်ပါမည်။

ရေးသားသည့်ရက်စွဲ 14/07/2011

အထက်ဆုံးစာမျက်နှာသို့