ပြင်သစ်နိုင်ငံခြားရေးနှင့် ဥရောပရေးရာဝန်ကြီး မြန်မာနိုင်ငံသို့ လာရောက်လည်ပတ်သည့် သမိုင်းဝင် ခရီးစဉ်

ဤခရီးစဉ်မှာ ပြင်သစ်နိုင်ငံခြားရေးဝန်ကြီးတစ်ဦးအနေဖြင့် မြန်မာနိုင်ငံသို့ ပထမဆုံးအကြိမ် လာရောက် ခြင်းဖြစ်ပြီး၊ ၁၉၈၈ခုနှစ် နောက်ပိုင်း ပြင်သစ်ဝန်ကြီးတစ်ဦးလာရောက်မှု အနေဖြင့်လည်း ပထမဆုံးအကြိမ် ပင်ဖြစ်ပါသည်။

ရန်ကုန်မြို့တွင်ရောက်ရှိနေစဉ်အတွင်း ဝန်ကြီးသည် မကြာသေးမီကလွတ်မြောက်လာသည့် နိုင်ငံရေး အကျဉ်းသားများအနက်မှ ၈၈မျိုးဆက်ကျောင်းသားခေါင်းဆောင်များဖြစ်သည့် မင်းကိုနိုင်၊ ကိုကိုကြီး တို့နှင့်အတူ ရှမ်းအမျိုးသားဒီမိုကရေစီအဖွဲ့ချုပ်ခေါင်းဆောင် ဦးခွန်ထွန်းဦးတို့နှင့်၊ ၎င်းတို့ လွတ်မြောက် ပြီးပြီးချင်း နောက်တနေ့တွင် ပထမဦးဆုံး ဧည့်သည်တော်အနေဖြင့် လက်ခံ တွေ့ဆုံခဲ့ ပါသည်။ ဝန်ကြီး အနေဖြင့်သရုပ်ဆောင်ဇာဂနာအပါအဝင်မြန်မာ့လူမှုအဖွဲ့အစည်းများ၏ ခေါင်းဆောင်များ၊ အတိုက်အခံ နိုင်ငံရေးပါတီများ အထူးသဖြင့် တိုင်းရင်းသားပါတီများနှင့်လည်းတွေ့ဆုံ ခဲ့ပါသည်။ဒေါ်အောင်ဆန်းစုကြည် နှင့်လည်းတွေ့ဆုံခဲ့ကာ Commandeur de la légion d’honneur ဂုဏ်ထူးဆောင်ဘွဲ့ကိုလည်း ချီးမြှင့်ခဲ့ပါသည်။ နိုဘယ်ဆုရှင်အနေဖြင့် နိုင်ငံရပ်ခြားမှ ပေးအပ်သော ဂုဏ်ထူးဆောင်ဘွဲ့ကို ပထမဆုံး အကြိမ်အဖြစ် လူကိုယ်တိုင် လက်ခံရယူ ခြင်းဖြစ်ပါသည်။(ဝန်ကြီးနှင့်ဒေါ်အောင်ဆန်းစုကြည်တို့၏ကျေးဇူးတင် စကားများဖတ်ရှုရန်)

နေပြည်တော်တွင်လည်းဝန်ကြီးသည် နိုင်ငံတော်သမ္မတဦးသိန်းစိန်၊ လွှတ်တော်နှစ်ရပ်တို့၏ ဥက္ကဌများ ဖြစ်ကြသည့် သူရရွှေမန်း (အောက်လွှတ်တော်)နှင့် ဦးခင်အောင်မြင့် (အထက်လွှတ်တော်) တို့အပြင်၊ နိုင်ငံခြားရေးဝန်ကြီးဌါန ဝန်ကြီးဦးဝဏ္ဏမောင်လွင်တို့နှင့်လည်း တရင်းတနှီးတွေ့ဆုံညှိုနှိုင်းမှုများပြုလုပ်ခဲ့ပါ သည်။

ဝန်ကြီး၊ဦးခွန်ထွန်းဦး၊ကိုကိုကြီးနှင့်ကိုမြအေး
ဒေါ်အောင်ဆန်းစုကြည်၏နေအိမ်တွင်ဝန်ကြီးအားကြိုဆိုခြင်း
ဝန်ကြီးနှင့်ဒေါ်အောင်ဆန်းစုကြည်တို့သတင်းစာရှင်းလင်းပွဲမတိုင်မီ
ဝန်ကြီးနှင့်ဒေါ်အောင်ဆန်းစုကြည်တို့၏သတင်းစာရှင်းလင်းပွဲ
ဝန်ကြီးနှင့်မင်းကိုနိုင်
ဝန်ကြီးမှဒေါ်အောင်ဆန်းစုကြည်အားဂုဏ်ထူးဆောင်ဘွဲ့ ချီးမြှင့်စဉ်
ဒေါ်အောင်ဆန်းစုကြည်အားဂုဏ်ထူးဆောင်ဆုနှင့်တကွ တွေ့ရစဉ်
ဒေါ်အောင်ဆန်းစုကြည်အားပြင်သစ်သံအမတ်ကြီးနှင့်ဇနီးတို့နှင့် တကွတွေ့ရစဉ်
ပြင်သစ်-မြန်မာနိုင်ငံခြားရေးဝန်ကြီးများရင်းနှီးစွာဆွေးနွေးကြစဉ်
ပြင်သစ်နှင့်မြန်မာနိုင်ငံခြားရေးဝန်ကြီးများအားပြင်သစ်သံအမတ်ကြီး နှင့်တကွတွေ့ရစဉ်
ပြင်သစ်ဝန်ကြီ၊ နိုင်ငံတော်သမ္မတကြီးနှင့် နိုင်ငံခြားရေးဝန်ကြီး
နိုင်ငံတော်သံမ္မတကြီးပြင်သစ်သံအမတ်ကြီးနှင့်နိုင်ငံခြားရေးဝန်ကြီး

ရေးသားသည့်ရက်စွဲ 23/01/2012

အထက်ဆုံးစာမျက်နှာသို့