နိုင်ငံခြားကျောင်းသားများ ပြင်သစ်ပြည်ကို ရွေးချယ်ခြင်း

ပြင်သစ်ပြည်သည် ပညာရေးအရည်အသွေးမြင့်မားမှုကြောင့် နိုင်ငံခြားကျောင်းသားများ၏ မျက်စိကျစရာ နိုင်ငံဖြစ်လာပါသည်။ ပြင်သစ်ပြည်၏ ပညာရေးမူဝါဒများ အားကောင်းခြင်းကြောင့် အရည်အသွေးမြင့်သော ကျောင်းသူ၊ ကျောင်းသားအသစ်များကိုလည်း ဆွဲဆောင်နိုင်သည်။

နိုင်ငံခြားကျောင်းသားများသည် ပြင်သစ်ပြည်၏ အဆင့်မြင့်ပညာရေးကို ရွေးချယ်မှု တဖြည်းဖြည်းပိုမို များပြားလာပါသည်။ ပြင်သစ်ပြည်သည် ယဉ်ကျေးမှုကဏ္ဍနှင့် အသိပညာမြင့်မားမှုကဏ္ဍတို့တွင် နိုင်ငံတကာ၌ ကျော်ကြားပြီး အဆင့်မြင့်ပညာရေးနယ်ပယ်တွင် တက္ကသိုလ်များ၏ ပညာရေးသည် အဆင့်အတန်းမြင့်မားပါ သည်။ ကြိုဆိုရေးအပိုင်းနှင့် ပြင်သစ်လူ့အဖွဲ့အစည်းပါ အစဉ်ပြေစွာ နေထိုင်နိုင်ခြင်းတို့မှာလည်း သိသိ သာသာ ဖွံ့ဖြိုးတိုးတက်လျက်ရှိပါသည်။

လွန်ခဲ့သော နှစ်ပေါင်း(၁၀)နှစ်ကတည်းက နိုင်ငံခြားကျောင်းသားဦးရေ တိုးတက်မှုမှာ ဆက်တိုက် တိုးပွား လာပါသည်။ လွန်ခဲ့သော (၂၀၀၀)ခုနှစ် ကျောင်းဖွင့်စကာလတွင် (၂၈၄၆၅၉)ဦးရှိပြီး ပြင်သစ်ကျောင်းသူ ကျောင်းသားအားလုံးပေါင်း၏ (၁၂.၃)ရာခိုင်နှုန်းရှိပါသည်။ အမေရိကန်နှင့် ဗြိတိန်ပြီးလျှင် ပြင်သစ်ပြည်သည် သြစတြေးလျနှင့်အတူတူ ကမ္ဘာ့နံပါတ်အဆင့်(၃)နေရာတွင်ရှိပါသည်။ ထိုကျောင်းသူ/ကျောင်းသားများသည် အာဖရိကမြောက်ပိုင်းဒေသနိုင်ငံများ၊ တရုတ်ပြည်၊ အိန္ဒယ၊ ဥရောပသမကနိုင်ငံများ၊ အရှေ့အလယ်ပိုင်းနိုင်ငံ များ၊ အရှေ့တောင်အာရှနှင့် အာဖရိကတိုက်ရှိ နိုင်ငံများမှ ဖြစ်ပါသည်။ (၃၆)ရာခိုင်နှုန်းသော ၄င်းကျောင်းသူ၊ ကျောင်းသားများသည် သိပ္ပံဘာသာရပ်များကို ဦးစားပေးရွေးချယ်လျက် (၁၉)ရာခိုင်နှုန်းမှာ စီမံခန့်ခွဲရေးဘာသာ ရပ်နှင့် (၂၀)ရာခိုင်နှုန်းမှာ ကွန်ပျူတာဘာသာရပ်များကို ရွေးချယ်ကြပါသည်။ ပြီးလျှင် ဇီဝဗေဒ၊ ဥပဒေ၊ ဆက်သွယ်ရေးနှင့်သတင်းစာပညာ၊ ရူပဗေဒ၊ စီးပွားရေးသိပ္ပံနှင့် နိုင်ငံရေးရာဘာသာရပ်များကိုလည်း ရွေးချယ် ကြပါသည်။

လေးပုံ ပုံလျှင် သုံးပုံ ပုံသော ကျောင်းသားများသည် တက္ကသိုလ်ကို ရွေးချယ်ကြရာ ရာခိုင်နှုန်းအားဖြင့် (၁၀)နှစ်အတွင်း၌ (၇၀)ရာခိုင်နှုန်း တိုးပွားလာခဲ့ပါသည်။ အချို့သော တက္ကသိုလ်များသည် ကြိုဆိုရေးအပိုင်း တွင် ကျောင်းသားများစိတ်ကြိုက် ၀န်ဆောင်မှုပေးပြီး သင်ကြားရေးအပိုင်းတွင်လည်း လိုအပ်သလို သီးခြား သင်ကြားပေးနိုင်ခြင်းတို့အပြင် ပြင်သစ်တက္ကသိုလ်များ၏ နည်းစနစ်များကိုလည်း သီးခြားစီ သင်တန်းပေး သင်ကြားပေးပါသည်။ ၄င်းစနစ်များ၏ အောင်မြင်ကျော်ကြားမှုနှင့် Master ပါရဂူဘွဲ့များကို ဦးစားပေးရွေးချယ်မှု တို့ကြောင့် (၄၀)ရာခိုင်နှုန်းသော ပါရဂူသင်တန်းကျောင်းသူ၊ ကျောင်းသားများမှာ နိုင်ငံခြားမှ ဖြစ်ပါသည်။ စီးပွား ကူးသန်းရောင်းဝယ်ရေးဘာသာရပ်များ သင်ကြားပေးသော ထင်ရှားသော Grandes Ecoles များသည်လည်း အလွန် ဆွဲဆောင်နိုင်ပြီး ၄င်း၏ (၂၅)ရာခိုင်နှုန်းသော ကျောင်းသူ၊ ကျောင်းသားများသည် နိုင်ငံခြားတိုင်းပြည်များမှ လာရောက်ကြပါသည်။

ယနေ့ အင်ဂျင်နီယာဘာသာရပ်ဆိုင်ရာကျောင်းများ၏ နည်ှးဗျူဟာများမှာ ထိရောက်ပါသည်။ ဥပမာ Rouen မြို့၏ အဆင့်မြင့် အင်ဂျင်နီယာကျောင်းသည် ၄င်း၏ ရုံးခန်းများကို အိန္ဒိယနှင့် တရုတ်ပြည်တို့တွင် ဖွင့်လှစ်ထားလျက်ရှိရာ (၂၅)ရာခိုင်နှုန်းသော (၂၅)ရာခိုင်နှုန်းသော ဘွဲ့ရကျောင်းသားများမှာ နိုင်ငံခြားမှ ဖြစ်ရာ လွန်ခဲ့သော (၂)နှစ်ကဆိုလျှင် (၁၇)ရာခိုင်နှုန်းသာရှိခဲ့ပါသည်။ ကျောင်းများသည် သဘောတူညီမှုရယူပြီး ဘွဲ့ (၂)ထပ်ကွန်းအစီအစဉ်များနှင့် တူညီသော သင်တန်းများကို နိုင်ငံခြားတက္ကသိုလ်များနှင့် စီစဉ်ဆောင်ရွက်ကြ ပါသည်။ ဥပမာ Toulouse မြို့၌ရှိသော လေယာဉ်နှင့် အာကာသရေးရာ အဆင့်မြင့်ကျောင်းသည် ဥရောပရှိ တခြားကျောင်းများနှင့် ပူးပေါင်းလျက် ဥရောပလေယာဉ်နှင့် အာကာသရေးရာကျောင်းကို တည်ထောင်ခဲ့သည်။ အဆင့်မြင့်သော ကျောင်းကြီးများသည် လာမည့် (၁၀)နှစ်အတွင်း နိုင်ငံခြားကျောင်းသားပေါင်း (၃၀)ရာခိုင်နှုန်း တိုးတက်လာရမည်ဟု ရည်မှန်းထားပါသည်။

အများအားဖြင့် နိုင်ငံခြားကျောင်းသူ၊ ကျောင်းသားများသည် Erasmus ကဲ့သို့သော တက္ကသိုလ်ကျောင်း အချင်းချင်း ကျောင်းသူ၊ ကျောင်းသားများ လဲလှယ်မှုအစီအစဉ်များဖြင့် လာရောက်ကြခြင်းဖြစ်ပါသည်။ ပြင်သစ်နိုင်ငံခြားရေးဝန်ကြီးဌာနနှင့် ဥရောပရေးရာဌာနသည် နိုင်ငံခြားကျောင်းသူ၊ ကျောင်းသားများကို ပညာသင်ထောက်ပံ့ဆုပေးခြင်း စီမံကိန်းတွင် ယူရိုငွေ သန်းပေါင်း (၈၀)ခန့်ရှိလေသည်။

အမျိုးသားတက္ကသိုလ်နှင့် ကျောင်းများရေးရာဌာနသည် အဆင့်မြင့် ပညာရေးဝန်ကြီးဌာနနှင့် သုတေသနဌာနတို့၏ ဦးဆောင်မှုဖြင့် ကျောင်းသူ၊ ကျောင်းသားများ၏ နေ့စဉ်ဘ၀ အဆင်ပြေချောမွေ့ရေးတို့ အတွက် ကြိုဆိုရေးရာ သီးသန့်ဌာနငယ်များ ထားရှိပါသည်။ နိုင်ငံခြားရေးနှင့် ဥရောပရေးရာဝန်ကြီးဌာနသည် နိုင်ငံခြားကျောင်းသူ၊ ကျောင်းသားများ ကြိုဆိုရေးအတွက် အရည် အသွေးမီသော ဥပဒေတစ်ခု ကိုချမှတ်ပေးထားပါ သည်။ ပြင်သစ်ပြည်သို့ မထွက်ခွာမီ နိုင်ငံခြား ကျောင်းသူ၊ ကျောင်းသားများသည် ၄င်းတို့နိုင်ငံရှိ ပြင်သစ်သံတမန်ရေးရာဌာနများတွင်ရှိသော နိုင်ငံပေါင်း (၉၇)နိုင်ငံ၌ရှိသော Espaces Campus France ဌာနများကို သွားရောက် သတင်းယူရန် ညွှန်ကြားထားပေးပါသည်။ Campus France ဌာနများတွင် အဖွဲ့ဝင် တက္ကသိုလ်နှင့် ကျောင်းများ စုစုပေါင်း (၂၆၁)ကျောင်းရှိပြီး ၄င်းတို့၏ အတွေ့အကြုံနှင့် လုပ်ငန်းကျွမ်းကျင်မှုတို့ ကို မျှဝေကြပါသည်။

အတော်ဆုံး ကျောင်းသူ၊ ကျောင်းသားများကို ဆွဲဆောင်နိုင်ရန် နိုင်ငံခြားရေးနှင့် ဥရောပရေးရာ ၀န်ကြီးဌာနသည် ထူးခြားသော အစီအစဉ်များကို စီစဉ်ထားရှိပါသည်။ Les Bourses d’excellence Eiffel သည် Master နှင့် ပါရဂူဘွဲ့တက်ရောက်မည့် ကျောင်းသူ၊ ကျောင်းသားများကို ပညာသင်ထောက်ပံ့ကြေး ပံ့ပိုးပေးပြီး Bourses d’excellence Major သည် Master ဘွဲ့တက်ရောက်မည့်သူများအတွက် ဖြစ်ပါသည်။ Quai d’Orsay/Entreprises သည် နိုင်ငံတကာ၌ ထင်ရှားသော ပြင်သစ်ကုမ္ပဏီများနှင့် ပူးပေါင်းပြီး ပညာသင် ထောက်ပံ့ကြေးများ ပေးအပ်လျက်ရှိပါသည်။

ပြင်သစ်နိုင်ငံခြားရေးနှင့် ဥရောပရေးရာဝန်ကြီးဌာနသည် Egide ဟုခေါ်သော ကျောင်းသား ကြိုဆိုရေးနှင့် တက္ကသိုလ်များ ပူးပေါင်းဖလှယ်ရေးဌာနတို့ က ပူးပေါင်းပြီး နှစ်စဉ် ကျောင်းသား၊ ကျောင်းသူများ (၃၀၀၀၀)ကျော်ကို ကြိုဆိုနေရာချထားပေးပါသည်။ ပြင်သစ်ပြည်၌ ဘွဲ့ရပြီးသော ၄င်းကျောင်းသူ၊ ကျောင်းသား များသည် မိမိတို့ တိုင်းပြည်များသို့ ပြန်လည်ရောက်ရှိပြီးလျှင် ၄င်းတို့နိုင်ငံများရှိ မြောက်မြားစွာသော ပြင်သစ် သံတမန်ရေးရာအဖွဲ့အစည်းများမှ ဦးစီးဦးဆောင်ပေးမှုကြောင့် ပြင်သစ်ပြည်နှင့်လည်း အမြဲတမ်းဆက်သွယ်နိုင် သည်။

Pour plus d’informations:
Email: myanmar@campusfrance.org

ရေးသားသည့်ရက်စွဲ 07/05/2013

အထက်ဆုံးစာမျက်နှာသို့