ကမ္ဘာ့တစ်ခွင်ပျံ့နှံ့နေသော ပြင်သစ်တို့၏ တီထွင်ဆန်းသစ်မှု "ဂီတပွဲတော်"

နှစ်ပေါင်း (၃၀) လောက်ကတည်းက နှစ်စဉ်နှစ်တိုင်း ဇွန်လ (၂၁) ရက်နေ့ဆိုလျှင် ဂီတပွဲတော်ကြောင့် ပြင်သစ်ပြည် ၏ လမ်းများတွင် လူများနှင့်ပြည့်နှက်လျက်ရှိပါသည်။ နှစ်ကာလများ ကြာမြင့်လာသောအခါ ၄င်းကဲ့သို့ နွေရာသီ ကာလမျိုးတွင် ကျင်းပသော ဂီတပွဲတော်သည် နိုင်ငံတကာရှိ ပြင်သစ်ယဉ်ကျေးမှုကွန်ယက်များ၏ အားကောင်း မှုကြောင့် နိုင်ငံတကာ၌ ပိုမိုထင်ရှားကျော်ကြားလာပါသည်။

နှစ်စဉ်နှစ်တိုင်း ဂီတကို ၀ါသနာပါ ချစ်ခင်နှစ်သစ်သူများနှင့် ဂီတပညာရှင်များတို့သည် ဂီတပွဲတော်များကို ကမ္ဘာ့ အနှံ့ မည်သည့်နေရာမျိုးတွင်မဆို စီစဉ်ကျင်းပကြပါသည်။ ၄င်းကဲ့သို့ ကျင်းပရာတွင် ဥယျာဉ်များ၊ လမ်းများ၊ ကော်ဖီဆိုင်များ၊ စားသောက်ဆိုင်များ၊ အိမ်အဆောက်အဦများကြားရှိ ဥယျာဉ်ငယ်များ၊ ပြတိုက်များ၊ အကျဉ်းထောင်များနှင့် ဆေးရုံများ၌ပါမကျန် နေရာမရွေး သီဆိုတီးမှုတ်ပြီး ဂီတပွဲတော်များကို ကျင်းပကြပါ သည်။ ၄င်းဂီတပွဲတော်သည် ၁၉၈၂ ခုနှစ်တွင် ပြင်သစ်ပြည်၌ စတင်ပေါ်ပေါက်လာခဲ့ပြီး၊ ၁၉၈၅ ခုနှစ်၌ ကျင်းပ သော ဥရောပဂီတပွဲတော်နှစ်တွင် နိုင်ငံတကာသို့ ပျံ့နှံ့သွားခဲ့ပေသည်။

ယနေ့ဆိုလျှင် ဤကဲ့သို့ကြီးမားသော ဂီတပွဲတော်သည် ကမ္ဘာ့အနှံ့ကျယ်ပြန့်လာခဲ့ပါသည်။ ၂၀၁၁ ခုနှစ်တွင် နိုင်ငံပေါင်း ၁၂၃ နိုင်ငံတို့သည် ၄င်းကဲ့သို့ကြီးမားပြီး လူကြိုက်များသော အခမဲ့ ဂီတပွဲတော်များကို ကျင်းပခဲ့ကြ ပါသည်။ အီတလီ၊ ကိုလံဘီယာ၊ ဂရိနှင့် လူဇင်ဘတ်ကဲ့သို့သော နိုင်ငံများတွင် ဂီတပွဲတော်သည် အမျိုးသားရေး ပွဲတော်အဖြစ်ပင် သတ်မှတ်ကျင်းပကြပါသည်။ ဂျနီဗာနှင့် ဘာပါရေဆိုမြို့ကြီးများတွင်လည်း ဂီတပွဲတော်ကြီး များကို စီစဉ်ကျင်းပကြပါသည်။

ပထမဆုံး ဂီတပွဲတော်ကို ၁၉၈၂ ခုနှစ်တွင် နွေရာသီ၏ နေ့တာအရှည်ဆုံး ဇွန်လ (၂၁) ရက်နေ့၌ စတင်ကျင်းပခဲ့ပါ သည်။ ပြင်သစ်ယဉ်ကျေးမှုရေးရာဝန်ကြီး Jack Lang နှင့် ဂီတနှင့်အက ဦးဆောင်ညွှန်ကြးရေးမှူး Maurice Fleuret တို့သည် ထိုဂီတပွဲတော်ဖြစ်ပေါ်လာရေးအတွက် တွန်းအားပေးကူညီခဲ့ပါသည်။ ၄င်းတို့နှစ်ဦးသည် Rock ဂီတ၊ Jazz ဂီတနှင့် သီချင်းများကို သူ့နေရာနှင့်သူ နေရာပေးအောင်မြင်လာအောင် ဆန္ဒရှိခဲ့ပါသည်။ ၄င်းတို့သည် အထူးသဖြင့် ဂီတကို ခုံမင်နှစ်သက်သူများအတွက် ၄င်းပွဲတော်တွင် ပါဝင်တီးခတ်သီဆိုနိုင်စေရန် ရည်ရွယ်ခဲ့ပါသည်။ နှင့် ၄င်းတို့၏အရည်အသွေးများကိုမြှင့်တင်ပေးနိုင်ရန်

ထိုအချိန်ကာလတွင် ပြင်သစ်လူဦးရေ (၅)သန်းနှင့် လူငယ်နှစ်ဦးလျှင် တစ်ဦးသည် ဂီတတူရိယာတစ်မျိုးမျိုးကို တီးခတ်နိုင်ကြပါသည်။ "ဤသို့ဆိုလျှင် ၄င်းတို့အား အဘယ်ကြောင့် လမ်းများပေါ်ထွက်ပြီး တီးခတ်သီဆိုနိုင်မှုကို တွန်းအားမပေးနိုင်ရမည်နည်း။ ၁၉၈၂ ခုနှစ်၊ ဇွန်လ (၂၁) ရက်နေ့ဟာ ကျွန်တော့်ဘ၀မှာ စိတ်အလူပ်ရှားဆုံးနေ့ပါ ပဲ" ဟု Jack Lang မှ ပြုံးရွှင်ပြီး ပြောခဲ့ပါသည်။ ကံကောင်းထောက်မစွာဖြင့် ပြင်သစ်လူဦးရေ (၁)သန်းခန့်သည် ဂီတပွဲတော်ကို လိုလားနှစ်သက်ကြောင်း ထုတ်ဖော်ပြောကြားခဲ့ပါသည်။ ချက်ချင်းပင်လျှင် လူထုအတွင်းမှာရော၊ သတင်းမီဒီယာအပိုင်းမှာပါ များစွာ အောင်မြင်မှုကြီးစွာ ရရှိခဲ့ပါသည်။

ပြင်သစ်ယဉ်ကျေးမှုကွန်ယက်များ၏ အင်အားတောင့်တင်းမှုကြောင့် ဂီတပွဲတော်သည် ပြင်သစ်နယ်စပ်မျဉ်းကို ကျော်လွန်ပြီး နိုင်ငံတကာသို့ ပျံ့နှံ့လာခဲ့ပါသည်။ ဒေသအတွင်းရှိ ဂီတကျောင်းများနှင့် ဂီတကို ခုံမင်နှစ်သက်သူ များ၊ ဂီတအဖွဲ့အစည်းများနှင့် မြို့တော်စည်ပင်သာယာရေးအဖွဲ့များ၏ အားပေးမှုကြောင့်လည်း ထိုကဲ့သို့ ထင်ရှားကျယ်ပြန့် လာခဲ့ခြင်းဖြစ်ပါသည်။

၁၉၉၄ ခုနှစ်ကတည်းက ပြင်သစ်ယဉ်ကျေးမှုရေးရာဝန်ကြီးဌာနသည် ADCEP ဟုခေါ်သော "တီထွင်ဆန်းသစ်မှု၊ လေ့လာသင်ယူမှုနှင့် စီမံကိန်းများဖွံ့ဖြိုးတိုးတက်မှုအဖွဲ့အစည်း"အား ဂီတပွဲတော်ကို နိုင်ငံအတွင်းမှာရော၊ နိုင်ငံ တကာမှာပါ ကျယ်ပြန့်လာအောင် စီမံခန့်ခွဲစေခဲ့ပါသည်။ ၄င်းအဖွဲ့၏ အဓိကလုပ်ငန်းမှာ အများပြည်သူလူထု အား ဂီတပွဲတော်ကို ပိုမိုကျယ်ကျယ်ပြန့်ပြန့်သိရှိလာစေရန်၊ အနုပညာဆိုင်ရာနှင့် နည်းပညာဆိုင်ရာ အကြံဉာဏ် များတောင်းခံရန်နှင့် ၄င်းတို့ကို ဗဟိုမှ စီမံခန့်ခွဲရန် ဖြစ်ပါသည်။ ထို့အပြင် ဆက်ဆံရေးဆိုင်ရာနည်းပညာနှင့် အထောက်အကူပြုပစ္စည်းများကိုလည်း အများပြည်သူထံမှ တောင်းခံခဲ့ပါသည်။ ADCEP အဖွဲ့သည် ကျွမ်းကျင် ပညာရှင်များ၊ သံရုံးများ၊ နိုင်ငံခြားတိုင်းပြည်များရှိ ပြင်သစ်ယဉ်ကျေးမှုဌာနများနှင့် ပူးပေါင်းဆောင်ရွက်ပါသည်။

ဂီတပွဲတော်နှင့် ပြင်သစ်ဘာသာစကားပြောသူများပွဲတော် (၂)ခုသည် နိုင်ငံတကာရှိ ပြင်သစ်ယဉ်ကျေးမှုဌာန၏ စီစဉ်ကျင်းပသော အဓိကထင်ရှားသော ယဉ်ကျေးမှုဆိုင်ရာ လှုပ်ရှားမှု (၂)ခုဖြစ်ပါသည်။ ကမ္ဘာပေါ်ရှိတိုက်ကြီး (၅)ခု လုံးတွင် ဤဂီတပွဲတော်အတွက် အစီအစဉ်များကို စိတ်ကြိုက်ရွေးချယ်မှုသည် အလွန်အရေးပါ ပါသည်။ အစီအစဉ်များကို သတိကြီးစွာ အသေးစိတ် ရွေးချယ်ပါသည်။ တစ်ခါတရံတွင် ပြင်သစ်ဂီတပညာရှင်များသည် ကမ္ဘာပေါ်ရှိ မည်သည့်နေရာမျိုးတွင် မဆို ပါဝင်ပူးပေါင်းသီဆိုတီးမှုတ်ရန် စီစဉ်စေကာမူ ဒေသအတွင်းရှိ ဂီတပညာရှင်များကို ပါဝင် ပူးပေါင်းစေပါသည်။

Sylvie Canal အတွက် နိုင်ငံတိုင်းတွင် ၄င်းတို့၏ သီးခြား ယဉ်ကျေးမှုစရိုက်လက္ခဏာများရှိသည်ဟု ဆိုပါသည်။ ဂီတပွဲတော် ကျင်းပရာတွင် ၄င်းယဉ်ကျေးမှုများနှင့် ကိုက်ညီအောင်လည်း ပြုပြင်ညှိနှိုင်းရပါသည်။ ဥရောပတိုက်၏ မြောက်ပိုင်းဒေသနိုင်ငံများအတွက် ဂီတပွဲတော် သည် ဇွန်လ (၂၁) ရက်နေ့အစား ရက်အနည်းငယ်နောက်ကျပြီးမှ ကျင်းပကြပါသည်။ အဘယ်ကြောင့်ဆိုသော် ၄င်းတို့သည် Saint Jean ပွဲတော်ကိုလည်း ဆင်နွှဲကြပါသည်။ တောင်ပိုင်းရှိ ကမ္ဘာ့နိုင်ငံများတွင် ဇွန်လ ၂၁ ရက်နေ့မတိုင်မီ ကျင်းပကြပါသည်။ အဘယ်ကြောင့်ဆိုသော် ၄င်းတို့အတွက် ဇွန်လ ၂၁ ရက်သည် အေးချမ်းသောဆောင်းရာသီ၏ အစဖြစ်သောကြောင့် ဖြစ်ပါသည်။

ဂီတပွဲတော်သည် တစ်ကမ္ဘာလုံးနှင့် သက်ဆိုင်သော ပွဲတော်ကြီးလော?။ ဂီတပွဲတော်များ၏ တူညီမှုများအားလုံးမှာ လွန်စွာအောင်မြင်ကျော်ကြားခြင်း၊ မည်သူမဆို လူငယ်လူရွယ်များအားလုံးတို့ကို ပါဝင် ဆင်နွှဲနိုင်စေခြင်းတို့ဖြစ် သည်။ ပြီးလျှင် လူများသည်အနည်းဆုံး သီဆိုနိုင်ခြင်း သို့မဟုတ် တီးခတ်တတ်ခြင်းတို့ကြောင့် "ဂီတ"သည် လူသားအားလုံးများအတွက် လက်လှမ်းမီသော အနုပညာတစ်ခုဖြစ်ပြီး အထူးသဖြင့် ကမ္ဘာကြီး၏ ဘာသာစကား တစ်ခုခုပင်ဆိုနိုင်ပါသည်။

ဂီတပွဲတော်၏ အဓိကအောင်မြင်ကျော်ကြားမှုမှာ အခမဲ့ဖြစ်ခြင်းနှင့် စပ်စုလိုသူများအတွက် ဂီတမျိုးစုံကို မြည်းစမ်းခံစားနိုင်ခြင်းတို့ဖြစ်ပါသည်။ ဂီတပွဲတော်သည် ပါဝင်ပူးပေါင်းဆင်နွှဲသူများအတွက် ၄င်းတို့၏ ကိုယ်ပိုင် ပွဲတော်များပင်ဖြစ်ပါသည်။ ပြီးလျှင် ယဉ်ကျေးမှုဆိုင်ရာ လှုပ်ရှားဆောင်ရွက်မှုများကို လူအများပါဝင်ပူးပေါင်းမူ့ ဖွံ့ဖြိုးတိုးတက်လာစေရန်အတွက် "ဂီတ"ပွဲတော်သည် လှပသော တူရိယာတစ်ခု ဟုဆိုလျင် မှားမည်မထင်ပေ။

Lucie de la Héronnière

ရေးသားသည့်ရက်စွဲ 18/06/2013

အထက်ဆုံးစာမျက်နှာသို့